Canolfan Hamdden Dyffryn Aman

Mae digwyddiad Triathlon Sbrint Dyffryn Aman yn cael ei gynnal yn Rhydaman ar ddydd Sul 13eg Ebrill, wedi’i drefnu gan Gweithgareddau Bywyd Iach a’i gefnogi gan Chwaraeon a Hamdden Actif.

Mae hyn yn golygu y bydd rhai newidiadau y penwythnos hwn yng Nghanolfan Hamdden Dyffryn Aman, a amlinellir isod:

*Dydd Sadwrn 12fed Ebrill*

- Bydd y trefniadau ar gyfer digwyddiad dydd Sul yn dechrau o amser cinio ddydd Sadwrn. O ganlyniad, bydd llai o leoedd parcio a rhwystrau yn cael eu gosod (ger y fynedfa)

- Mae disgwyl i’r maes parcio fod ychydig yn brysurach rhwng 14:30 a 16:30 wrth i gystadleuwyr ymweld i gasglu eu pecynnau rasio.

- Bydd cyfleusterau canolfannau hamdden yn gweithredu fel arfer.

Dydd Sul 13eg Ebrill

-‌ Bydd maes parcio'r Ganolfan Hamdden ar gau rhwng 06:30 - 11:00 (tua) 

- Bydd y ddau Bwll Nofio ar gau fore dydd Sul ac yn ail-agor i'r cyhoedd o 13:00. Sesiynau: Nofio am Ddim i Blant (13:00 - y ddau bwll), Nofio Lôn (14:00 - prif bwll), Nofio Cyhoeddus (14:30 - pwll dysgwyr), Nofio Lôn (15:00 - prif bwll)

- Bydd y gampfa a dosbarthiadau ffitrwydd yn gweithredu fel arfer (sesiynau campfa o 08:00 ymlaen) ond nodwch na fydd y maes parcio ar gael tan tua 11:00. Gellir dod o hyd i leoedd parcio eraill ym maes parcio tref Stryd Marged yn ystod y digwyddiad, 5 munud i ffwrdd.

Canolfan Hamdden Caerfyrddin

Rydym ni’n cynnal gala nofio Dyffryn Aman ar ddydd Sul 13eg Ebrill, felly ni fydd y ddau bwll a’r ystafell iechyd yng Nghanolfan Hamdden Caerfyrddin ar gael am y diwrnod.

Mae’n gyfle cyffrous i nofwyr lleol gystadlu mewn amryw o rasys nofio ac arddangos eu galluoedd, ac ni allwn aros i weld y cyffro!

Er na fydd y pwll ar gael ar 13 Ebrill, rydym yn eich annog i archwilio ein pyllau nofio neu weithgareddau eraill. Bydd y gampfa, y dosbarthiadau a'r ganolfan chwarae yn gweithredu fel arfer yng Nghaerfyrddin ar y diwrnod hwn.

Canolfan Hamdden Llanelli

Yn Llanelli, bydd y Ganolfan Hamdden yn brysur dros y penwythnos, o 7yb hyd at ddiwedd pob dydd. Bydd twrnamaint crefft ymladd amlddisgyblaethol 4 Gwlad yr ICO yn cael ei gynnal yn y neuadd chwaraeon ar ddydd Sadwrn 12 Ebrill a dydd Sul 13 Ebrill.

O ganlyniad, disgwylir i’r maes parcio fod yn hynod o brysur ac rydym yn cynghori cwsmeriaid i gynllunio ymlaen llaw, a gwneud trefniadau amgen trwy barcio ym meysydd parcio eraill y cyngor yn y dref.

Bydd gweithgareddau'r gampfa, pyllau nofio a dosbarthiadau ffitrwydd sydd fel arfer yn rhedeg ar y safle ar gael. Tra bydd y digwyddiad yn parhau yn hwyr gyda'r nos, bydd oriau agor arferol y Ganolfan Hamdden yn berthnasol.